- 95 -

1331. April 11. Liegnitz.

Herzog Boleslaus verfügt, dass die der Stadt gehörigen 100 Hufen, der Vorwerksleute nebst dem Dorfe Prinkendorf derselben mit allen Diensten auf ewig verpflichtet sein sollen.

In nomini domini amen. Nos Boleslaus dei gracia dux Slesie et dominus Legniczie attendentes nostram augeri propensius vtilitatem, cum ciuitatum nostrarum aut generaliter terre nostre promocionem aut commodum procuramus, sane ciuitas nostra Legnicz, de qua siugulariter nostri nominis titulus vt plurimum decoratur, ac vtilitas nobis profecto solet continue prouenire a primordio sue locacionis tempore, super centum mansos seruiles cum ciuitate ac hominibus ejusdem fundata extitit et locata, ita videlicet, quod homines, qui eosdem possiderent mansos, siue in ipsa ciuitate Legnicz, siue extra remanerent, jura ciuitatis ipsius cum ciuibus ejus exsoluerent et honera singula in vigiliis, collectis, angariis, perangariis, et aliis quibuslibet vexacionibus deportarent, quorum plurimi se iam pluribus temporibus ab honerum hujusmodi comportacione abstraxerunt, ex quo ciues nostri et homines ciuitatis ejusdem plurima pertulerunt grauamina et dampnis sunt effecti; cupientes itaque nostre iam dicte ciuitatis deperdita restaurari, nostrorum quoque ciuium, vt expedit, honera moderare, centum mansos supradictos, a quocumque seu quibuscumque quocunque nomine possideantur, ad eandem ciuitatem nostram reducimus et volumus, quod cum ea et ciuibus eis ac hominibus ad ipsam pertinentibus nobis et successoribus nostris debeant deseruire et singula comportare honera, que ipsos supradictis modis videlicet vigiliis, exaccionibus, vexacionibus quibuslibet deportare contingit, nec quempiam gaudere volumus quoque priuilegio exempcionis, quominus jura persoluat et honera supradicta comportet. Et, ut ampliori gaudeat consolamirie ciuitas nostra Legnicz, hominatim totam villam Prymkendorf, prout in suis metis et gadibus est limitata, allodium ibidem cum omnibus suis mansis et molendinum cum appendijs suis necnon possessores imperpetuum ipsius ville, allodii et molendini, ad prefatos centum mansos seruicijs, omnibus et singulis, angarijs et perangarijs et aliis quibuslibet honeribus ex nostra gracia ducali prescriptis astringimus et locamus. In cujus rei testimonium et robur perpetuum presentes dedimus nostro sigillo roboratas. Datum Legnicz anno domini M°C°C°C° tricesimo primo III° ydus Aprilis. Testes hujus sunt Stephanus de Parchowicz, Theodricus de Predil, Albertus Abscacz, Henricus Landiscrona, milites, Johannes Kursebog, Johannes Rymberg, Thammo de Poschwicz, noster prothonotarius, Peczco Bauarus, judex curie Legniczensis et Gerlacus, nostre curie notarius, qui presencia habuit in commisso.

O. d. St. L. No. 39, das Reitersiegel an Schnüren von rother und grüner Seide. — Bitschens Geschossb. p. 200 u. Privilegb. p. LI b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866